nabeelmrkl

മാറ്റങ്ങൾ എങ്ങനെ വേണമെന്ന് തീരുമാനിച്ച് അത് രൂപപ്പെടുത്തിയെടുക്കേണ്ടത് നമ്മുടെ തന്നെ കരങ്ങളാണ്...... ഇരുളും വെളിച്ചവും ശബ്ദവും മൗനവും വേദനയും ആഹ്ലാദവും എല്ലാം എല്ലാം നമ്മുടെ ഉള്ളിൽ തന്നെയാണ് സംഭവിച്ചുകൊണ്ടിരിക്കുന്നത്.... ക്ഷണികമായ ജീവിതത്തിൽ ഉന്നതമായ നന്മയിൽ ചിട്ടപ്പെടുത്തിയ ജീവിതമാണ് നമുക്ക് ആവശ്യം.... നാം സ്വയം മാറാൻ തയ്യാറാവാതെ ലോകത്തിൽ മാറ്റങ്ങളുണ്ടാക്കാൻ സാധിക്കുകയില്ല,.... മാറ്റം നമ്മളിൽ നിന്നു തന്നെയാവട്ടെ....

 കാര്യം നേടിയെടുക്കുന്നതിന് മുൻപ് അത് നമ്മുടെ ഭാവനയിൽ കാണാൻ കഴിയണം, ഭാവനാശക്തിയാണ് നമ്മുടെ ചിന്തയെ കർമത്തിലേക്ക് നയിക്കുന്നത്.... ഭാവനയിൽ കണ്ടാൽ മാത്രം പോരാ, നമ്മുടെ പ്രവൃത്തികൊണ്ട് അതിനെ യാഥാർഥ്യമാക്കാനും കഴിയണം..... .നിഷേധാത്മക ചിന്തകൾകൊണ്ടും ഇല്ലാത്ത കുഴപ്പങ്ങളും പ്രശ്നങ്ങളും വിഷമങ്ങളും രോഗങ്ങളും മറ്റും ഉണ്ടെന്ന വിചാരംകൊണ്ടും നമ്മെയും മറ്റുള്ളവരെയും നൈരാശ്യത്തിലേക്ക് വലിച്ചിഴയ്ക്കാതിരിക്കാൻ ശ്രദ്ധിക്കണം..... നാം അഭിമുഖീകരിക്കുന്ന പലരിലും വീഴ്ചകളും കുറവുകളും കാണുന്നുണ്ടാകാം, പക്ഷെ അവരെ പുച്ഛിക്കുകയോ വെറുക്കുകയോ അരുത്, മനുഷ്യസഹജമായ ദൗർബല്യങ്ങളാണ് അവയെന്ന് മനസ്സിലാക്കി അനുഭാവത്തോടെ അവരെ സഹായിക്കാനും നാം സന്നദ്ധരാകണം.....

നമ്മളെല്ലാവരും സോഷ്യൽ മീഡിയ യൂസ് ചെയ്യുന്നതല്ലേ പലപ്പോഴും പല പോസ്റ്റുകൾക്കും കമൻറ് ചെയ്യണം എന്ന് തോന്നിയാലും എന്ത് കമൻറ് ചെയ്യണം എന്ന് സംശയത്തിൽ കമൻറ് ചെയ്യാതെ സ്കിപ്പ് ചെയ്തു പോകും. അതുപോലെ തന്നെയാണ് ജീവിതത്തിലെ ചില സാഹചര്യങ്ങളും പറയാൻ ഉത്തരങ്ങൾ ഇല്ലാഞ്ഞിട്ടല്ല അത് എങ്ങനെ അവതരിപ്പിക്കണം എന്ന് അറിയാഞ്ഞിട്ടാണ് ആ സാഹചര്യങ്ങളിൽ മൗനം പാലിക്കേണ്ടി വരുന്നത്. 

നമ്മൾ റോഡിലൂടെ വാഹനം ഓടിച്ച് പോകുമ്പോൾ പിന്നിൽ നിന്നും വശങ്ങളിൽ നിന്നും ഒക്കെ മറ്റ് വാഹങ്ങളുടെ ഹോൺ അടികൾ കേൾക്കാം ... ഒന്നുകിൽ നമ്മെ ലക്ഷ്യം വച്ച് അല്ലെങ്കിൽ നമ്മുടെ മുന്നിലെ വാഹങ്ങളെ ലക്ഷ്യം വച്ച് ... എന്തായാലും നമുക്ക് യാത്രക്ക് സുരക്ഷിതം എന്ന് തോന്നിയാൽ മാത്രം വശങ്ങളിലേക്ക് മാറി കൊടുക്കുക ... അല്ലെങ്കിൽ അതൊന്നും വകവെക്കാതെ മുന്നോട്ടുതന്നെ ... ജീവിതത്തിലും അങ്ങനെ തന്നെ നമ്മൾ ആത്മധൈര്യത്തോടെ മുന്നോട്ടുപോകുമ്പോൾ പിന്നിൽ നിന്നും വശങ്ങളിൽ നിന്നും നമ്മെ പിന്തിരിപ്പിക്കാനും നമ്മുടെ വേഗം കുറയ്ക്കാനും ഒരുപാട് പേർ കാണും അതുകൊണ്ട് നമ്മുടെ മുന്നോട്ടുള്ള പാതകൾക്ക് തടസ്സം ആകില്ലെങ്കിൽ മാത്രം അത് ഗൗനിക്കുക ഇല്ലെങ്കിൽ അതെല്ലാം അവഗണിച്ച് മുന്നോട്ട് തന്നെ പോയിക്കൊണ്ടിരിക്കും

ജീവിതത്തിൽ ഒരുപാട് പ്രശനങ്ങള് ഉണ്ടാകും ... നമ്മെ ബാധിക്കുന്നതും അല്ലാത്തതും ആയ ഒരുപാട് ... അതിൽ നമ്മെ ബാധിക്കാത്ത പ്രശങ്ങളെ നമ്മൾ പരിഗണിക്കേണ്ടതില്ല ... എന്നപോലെ നമ്മെ ബാധിക്കുന്ന നമ്മൾ ബന്ധപ്പെട്ട് വരുന്ന ചില പ്രശ്നങ്ങളും ... കാരണം അത് പരിഹരിക്കാൻ നമ്മോട് കൂടെ നിൽകുന്ന പലർക്കും സാധിച്ചേക്കാം ... നമ്മൾ ഇടപെടുക പോലും വേണ്ട ... അതങ്ങ് പരിഹാരം ആയികൊള്ളും ... ഒരു ഉദാഹരണം പറയുകയാണേൽ ഞാൻ ഒരു സ്ഥാപനം നടത്തുകയാണ് അവിടെ പ്രശ്നങ്ങളും ആയി ഒരുപാട് പേര് വരാൻ സാധ്യതയുണ്ട് ... എന്നാല് എല്ലാ പ്രശ്നങ്ങളും സ്ഥാപനം നടത്തുന്ന നമ്മൾ തന്നെ ഇടപെട്ട് പരിഹാരം കാണണം എന്നില്ല ... പലതും സ്ഥാപനത്തിൽ പ്രവർത്തിക്കുന്ന സ്റ്റാഫിന് പരിഹരിക്കാവുന്നതെ ഒള്ളു ... അതിനു വേണ്ടത് അവരെ ബോധവാന്മാർ ആക്കുക എന്നത് മാത്രം ആണ് ചെയ്യേണ്ടത് ... അതുപോലെ നമ്മോട് കൂടെ നിൽക്കുന്നവർക്ക് നമ്മുടെ പ്രയാസങ്ങൾ എന്തൊക്കെയാണ് എന്നൊക്കെ ഒരു ബോധ്യം ഉണ്ടായാൽ മതി ... എല്ലാം അങ്ങ് automatically ശരിയായികൊള്ളും ...

പുഴ അശുദ്ധമാകുന്നതു പുറമേ നിന്നുള്ള ചെളി വന്നു പതിക്കുന്നതു കൊണ്ടു മാത്രമല്ല. കാലാകാലങ്ങളായി അടിഞ്ഞുകിടക്കുന്ന ചെളി, നദി പോലുമറിയാതെ. ഇളകി വരുന്നതു കൊണ്ടമാകാം. കുഞ്ഞൊഴുക്കും, ഉരുൾപൊട്ടലും കാരണങ്ങൾ മാത്രം. എത്ര നന്മയുള്ള മനസ്സിൻ്റെയും അടിത്തട്ടിലും, കുറച്ചു ചേറ് അടിഞ്ഞുകിടപ്പുണ്ടാകും. പക, വെറുപ്പു്, മത്സര ബുദ്ധി ആദിയായ മാലിന്യങ്ങൾ, നാമറിയാതെ നമ്മുടെ മനസ്സിലും അടിഞ്ഞുകൂടി കിടപ്പുണ്ടാകും. എല്ലാം എപ്പോഴെങ്കിലും, ഇളകി മറിഞ്ഞുവെന്നു വരാം. സാധാരണ നിലയിലാകാൻ ഒരേയൊരു മാർഗ്ഗമേയുള്ളു -- ശാന്തരാകുക, കാത്തിരിക്കുക. എല്ലാ മുറിവുകളെയും കാലം സുഖമാക്കും. കാലം മുമ്പോട്ടു പോകുന്നതനു സരിച്ചു്, ആഘാതങ്ങളുടെ ആഴം കുറഞ്ഞു കൊള്ളും. അതിനായി, സഹിഷ്ണതയോടെ കാത്തിരിക്കണമെന്നു മാത്രം. നമുക്കതിനാകട്ടെ.